Pòtoprens

(vese 1) Pòtoprens, pase pran m M'a pase chèche w Monte sou tèt platon bèlè Pou gad solèy k'ap tire dra Avan l kouche sou lantouray. Pòtoprens, pase isi pase laba Anba stati madan kolo N'a woule sèk monte kabwèt Vire monte vire desann Jouk ateri dèyè lise. (chorus) Pòtoprens, ou se flanm yon flanbo, Yon kat pwen kadino. Yon ke wòb, yon manman Ou konn sekrè tout verite m. An verite an verite Dayè se ou ki verite Tout bwat sekrè ki san listwa. (verse 2) Pòtoprens, An al pòtay pran kamyonèt Pase gran ri achte fresko Oubyen file ri dèseza Sinon pran wout mache anba Al machande rèv ak lespwa. Pòtoprens pa ret sou twotwa Ou gen adrès ak nimewo Anndan tout kè ki konn renmen. (chorus) Pòtoprens, ou se flanm yon flanbo, Yon kat pwen kadino. Yon ke wòb, yon manman Ou konn sekrè tout verite m. An verite an verite Dayè se ou ki verite Tout bwat sekrè ki san listwa. (verse 3) Ou s'on zanmi, ou s'on fanmi Ou s'on lanmou kole sou po m Ou konn kriye lè-m pran kriye Ou konn chagren, lè m kilbite Anba lapli w pote m sou do Mennenm dodo anwo tijo. Pòtoprens, ou se flanm yon flanbo, Yon kat pwen kadino. Yon ke wòb, yon manman. (chorus) Pòtoprens, ou se flanm yon flanbo, Yon kat pwen kadino Yon ke wòb, yon manman, Ou konn sekrè tout verite m. An verite an verite Dayè se ou ki verite Tout bwat sekrè ki san listwa. (outro) Pòtoprens, ou se flanm yon flanbo, La la la la… Yon ke wòb, yon manman La la la la… Pòtoprens, ou se flanm yon flanbo, La la la la… Yon ke wòb, yon manman Se ou ki la Pou banm lebra. Pou banm lebra.