Okap

(verse 1) Okap, Mwen kanpe sou boulva Je nan je ak lanmè Ap admire bote w Gade mwen pran gade w La menm mwen sou san bwè Dòmi pote m ale Ale lwen nan yon rèv Tout moun ki bon damou Gen pwojè pou reve. (chorus) Okap Kite m di w yon lòt fwa Rasin lanmou m, se ou. Bonè lavi m, se ou Tout sa m anvi, se ou Se ou menm se ou menm Ki tout paj nan listwa m. (verse 2) Okap, Mwen kanpe sou boulva Men nan men ak lanmè Tankou de ti pantan Douvan katedral kò w Ap desin'on pwezi Ki pòtre w tèt pou tèt Tèt pou tèt sou balkon w Tout moun ki bon damou Gen pwojè vin pran van. (chorus) Okap Kite m di w yon lòt fwa Rasin lanmou m, se ou. Bonè lavi m, se ou Tout sa m anvi, se ou Se ou menm se ou menm Ki tout paj nan listwa m. (verse 3) Mwen chita bò baryè Ap gade w k'ap antre Antre lwen nan fon kè m Vin bay lodyans ak zanj Ki se zanj gadyen mwen. Lè alfabè m toudi Se ak lèt ou m' pale Di tout abesede Ki nan kaye lanmou. (chorus) Okap Kite m di w yon lòt fwa Rasin lanmou m, se ou. Bonè lavi m, se ou Tout sa m anvi, se ou Se ou menm se ou menm Ki tout paj nan listwa m. (chorus) Okap Kite m di w yon lòt fwa Rasin lanmou m, se ou. Bonè lavi m, se ou Tout sa m anvi, se ou Se ou menm se ou menm Ki tout paj nan listwa m. (outro) Okap Se ou menm ki mwen menm Se ou menm se ou menm Ki montre m sak lanmou. Mwen renmen w mwen damou w A minwi mwen damou w A midi mwen rennmen w Minwi mwen redamou. Minwi mwen redamou.